Nombramentu di komishon di evaluashon lei estatal di supervishon finansiero

Konseho di Minister di Reino, riba proposishon di Minister Plasterk di Asuntunan Interno i Relashonnan di Reino, a bai di akuerdo pa instituí un komishon di evaluashon Lei Estatal di Supervishon Finansiero.

E komishon di evaluashon lo mester forma un opinion riba e pregunta si Kòrsou i Sint Maarten ta kumpli strukturalmente ku e normanan di Lei Estatal di Supervishon Finansiero. E Lei Estatal di Supervishon Finansiero Kòrsou i Sint Maarten ta preskribí ku despues di sinku aña ku e lei aki drenta na vigor – 10 di oktober 2010 – Konseho di Minister di Reino mester tuma un desishon riba sea si of no of ku parsialmente ta terminá e supervishon finansiero na Kòrsou i Sint Maarten. Prome ku tuma un desishon, un evaluashon ta tuma lugá door di un komishon.

Konseho di Minister a disidí pa nombra e siguiente miembronan den e komishon di evaluashon:

  • Señor Ron Gomes-Casseres, na mes tempo presidente, prosedente di Kòrsou;
  • Señor Reuben George Essed na nòmber di Sint Maarten;
  • Señor Edelmiro Alejandro Seferina na nòmber di Kòrsou;
  • Señor Marcel Peter van Gastel na nòmber di Hulanda.

2015E komishon lo kuminsá su labornan na luna di april, i despues di tres luna lo manda su konseho pa Konseho di Minister di Reino.