Notisia

E kapitulo aki tin 2 tema (tópiko)

Deklarashon di Sint Maarten i Hulanda pa fortifiká mantenshon di lei

Sint Maarten i Hulanda ta atendé konhuntamente e asuntu di fortifiká mantenshon di lei na Sint Maarten. Esaki ta loke ministernan Richardson di Hustisia di Sint Maarten i su koleganan di Hulanda, esta minister Plasterk di Asuntunan Interno i Relashonnan di Reino i minister Van der Steur di Seguridat i Hustisia a diskutí awe.

Mas trempan e aña akí e deliberashon Hudisial di kuater partido (e deliberashon periódiko entre ministernan di Hustisia di Sint Maarten, Hulanda, Kòrsou i Aruba) a opiná ku mester fortifiká e forma di mantenshon di lei. E mandatarionan ta enfatisá ku fortifikashon di Kuerpo Polisial di Sint Maarten (KPSM) i un aserkamentu dinámiko di kriminalidat ku ta surpasá frontera i kriminalidat ku ta mina, i korupshon, ta na benefisio di poblashon di Sint Maarten i di Reino.

E protokòl, institushon di un kámara di integridat i di fortifikashon di mantenshon di lei, tal manera a kumbiní dia 24 di mei 2015 entre Sint Maarten i Hulanda, ta keda na vigor. Ta instituí un kámara di integridat independiente na Sint Maarten. Pa kumpli ku e Protokòl ta hasi otro palabrashon tokante e forma di kombatí kriminalidat ku ta mina i surpasá frontera, labamentu di plaka, trafikashon di droga, atrako, trafikashon di hende i kontrabanda.