Notisia

E kapitulo aki tin 2 tema (tópiko)

Gijs Baars, hefe nobo di Representashon di Hulanda na Oranjestad

Dia 1 di ougùstùs próksimo Gijs Baars lo ta e hefe nobo di e establesimentu di Representashon di Hulanda na Oranjestad i alabes Representante suplente di Hulanda na Aruba.

Na e momento aki e ta traha pa e ministerio di Veiligheid en Justitie na Hulanda. Einan e ta koordinadó di Caribisch Nederland i Koninkrijksrelaties. Baars (32) a studia Internationale Betrekkingen na Universidat di Utrecht i ta trahando for di 2008 den diferente funshon na Veiligheid en Justitie. E ta remplasá Tanja Timmermans, ku a ehersé e funshon aki pa kasi tres aña i awor ta bai bèk Hulanda.