Notisia

E kapitulo aki tin 2 tema (tópiko)

Derecho di voto pa e islanan Hulandes den Karibe, pa nan skohe Eerste Kamer

E derecho di voto pa habitantenan di Boneiru, Sint Eustatius i Saba (islanan Hulandes den Karibe) por vota pa skohe senado Hulandes, a yega un paso mas serka. Awe Eerste Kamer Hulandes a aprobá un proyekto pa kambio di Konstitushon, loke ta hasi esei  posibel pa e habitantenan Hulandes residente. Segun minister Plasterk (Asuntunan Interno i Relashon den Reino) esaki ta un paso importante. Plasterk: “Ta di importansia esensial ku den e siguiente okashon habitantenan Hulandes  di e islanan Hulandes den Karibe lo por ehersé influensia riba komposishon di Senado Hulandes.”

Na Hulanda ta miembronan di ‘Provinciale Staten’ ta skohe  Parlamento Hulandes. E islanan hulandes den Karibe no ta forma parti di un provinsia. P’esei habitantenan Hulandes di e islanan te awor no tin  bos den komposishon di parlamento Hulandes. Pa solushoná tal problema ta proponé pa funda un kolegio elektoral, di kua e miembronan – di un forma similar manera miembronan di provinciale staten – ta vota pa skohe Parlamento Hulandes.

E proyekto pa kambio di Konstitushon awor a pasa e promé tanda di lektura den parlamento Hulandes i den senado Hulandes (Eerste Kamer) i e ta aprobá. Pa kambia Konstitushon, despues di elekshon pa Senado na mart 2017, tur dos e Kámaranan mester lesa e proyekto di lei den un di dos tanda i aprobá esaki ku dos tersera parti di voto. 

E ora ei habitantenan di e islanan hulandes den Karibe den un siguiente elekshon pa parlamento (na 2019) lo por tin influensia riba komposishon di e parlamento.