Boneiru, Sint Eustatius i Saba (Karibe Hulandes) tin un status nobo komo munisipionan partikular. Ku e status aki nan ta pertenesé direktamente na Hulanda. For di 10 di òktober 2010 Hulanda ta tuma e tareanan atministrativo di gobièrnu di Antia Hulandes pa su kuenta.

Munisipionan partikular

Ku nan status nobo di “munisipio partikular” e islanan a keda ofisialmente rekonosé komo “entidat públiko” di Hulanda. Esaki ta regla den Wet Openbare lichamen BES (Lei Entidatnan Públiko BES). Otro entidatnan públiko ta Reino, munisipio-, provinsia- i institushonnan di derecho públiko pa ehekushon di tareanan di kaminda, kanal i haf.