Kambionan pa e habitantenan

For di dia 10 di òktober 2010 habitantenan di Karibe Hulandes tin e mesun derechonan ku Hulandesnan tin, pa motibu ku for di e fecha aki e islanan ta munisipionan Hulandes.

Naturalmente nan ta keda mantené nan propio kultura. Esaki ta algu propio di e habitantenan. Tambe tin i lo bini previshonnan nobo òf previshonnan mehorá.

Ehèmpel:

  • seguro pa gastunan di malesa pa tur hende;
  • previshonnan mehorá den kuido (hospitalnan spesialisá, mas ambulans);
  • previshonnan mehorá den enseñansa (programanan di rekuperashon pa eliminá atrasonan di enseñansa, rekapitulisashon di maestronan, métodonan nobo di lès, edifisionan nobo pa skol);
  • bibienda soshal di hür pa hende ku ingreso abou;
  • awa potabel limpi;
  • un kuerpo polisial nobo, bombero i ambulans ku un sentro di informashon;
  • for di dia 1 di yanüari 2011, dòler merikano a bira e sistema monetario nobo;
  • aeropuerto i hafnan ku ta mihó sigurá;
  • derecho di voto pa Tweede Kamer (Parlamento Hulandes) na Hulanda.