Gobièrnu di Aruba, Curaçao i Sint Maarten

Kada pais den Reino tin su propio gobièrnu. Kada pais tin su propio gobernador. Gobernador ta hefe di gobièrnu.

Na Hulanda, ta rei ta kabes di gobièrnu. E gobernadornan di Aruba, Curaçao i Sint Maarten ta representá rei den nan gobièrnu.

Mas informashon tokante e gobièrnunan di Aruba, Curaçao i Sint Maarten por lesa riba wèpsait di e gobièrnunan:

  • Gobièrnu di Aruba
  • Gobièrnu di Curaçao
  • Gobièrnu di Sint Maarten

Gobernador

E tareanan di gobernador ta konsistí di dos parti:

  1. E ta representá e interesnan di Reino.
  2. E ta na kabes di e gobièrnu (di Aruba, Sint Maarten òf Curaçao).

Gobernador no ta miembro di gabinete. Rei ta nombra gobernador pa un periodo di 6 aña. Despues rei por ekstendé e asignashon ainda un biaha mas. Ta nifiká ku un gobernador por keda na su puesto 12 aña.

Riba wèpsait di e gobernadornan por haña tur informashon tokante e tareanan ku nan ta realisá.

  • Gobernador di Aruba
  • Gobernador di Curaçao
  • Gobernador di Sint Maarten

Gobernador ta nombra tambe un Konseho di Asesoramentu (Raad van Advies). E Konseho tin 5 miembro. E Konseho akí ta asesorá gobernador tokante vários materia.

Minister Plenipotensiario na Den Haag i na Washington D.C.

Aruba, Curaçao i Sint Maarten tin un minister plenipotensiario na Den Haag tambe. E minister plenipotensiario ta representá gobièrnu di su pais na Hulanda i Europa. E minister plenipotensiario, huntu ku e ministernan hulandes ta miembro di Konseho di Minister di Reino.

Mas informashon tokante tarea di e ministernan plenipotensiario, ta haña riba wèpsait di e ministernan:

  • Gabinete di minister plenipotensiario di Aruba
  • Gabinete di minister plenipotensiario di Curaçao
  • Gabinete di minister plenipotensiario di Sint Maarten

Aruba i Curaçao tin un minister plenipotensiario tambe na embahada di Reino na Washington D.C. E ministernan plenipotensiario akí ta representante di nan pais. Sint Maarten no tin minister plenipotensiario na Washington.