Fondo Desaroyo Aruba

Na 1999 Hulanda a sera un akuerdo ku Aruba pa e redukshon gradual di e relashon di kooperashon. A palabra ku despues di 10 aña Aruba lo para finansieramente riba su propio pianan.

Te na aña 2010 ámbos pais tabata depositá plaka den un fondo: Fondo Desaroyo Aruba. Hulanda a depositá kasi 100 mion Euro den e fondo. Aruba a paga un suma similar di 180 mion florin Arubano (1 Euro ta 2,3085 florin). E último depósito a tuma lugá den forma di fase. E depósito Hulandes tabata mengua pa aña, miéntras ku e depósito di Aruba tabata oumentá kada aña.

Ku plaka di Fondo Desaroyo Aruba ta paga proyektonan pa fortalesé gobernashon, enseñansa, kumplimentu di lei i finansa públiko di Aruba. Pa esaki a instituí programanan di mas aña. E paisnan a hasi únikamente palabrashonnan polítiko den liñanan general tokante e programanan di mas aña. Riba petishon di gobièrnu di Aruba, direktiva di FDA ta disidí riba proyektonan ku ta surgi for di e programanan aki. Pues, Hulanda no ta intervení den detayenan di e proyektonan.

E pagonan di Hulanda na Fondo Desaroyo Aruba a kaba awor. Na yüni 2010 Hulanda i Aruba a kumbiní ku por usa plaka di e fondo pa un programa nobo di mas aña. Te aña 2014 Aruba ta depositá plaka pa ainda ehekutá e proyektonan ku a plania originalmente.