Sosten Finansiero Sint Maarten

Sint Maarten mester krea un aparato gubernamental kompletamente nobo i e tin nesesidat urgente di personal ku eksperensha pa entre otro kuerpo polisial, prison i servisio di imigrashon.

Hulanda ta sostené Sint Maarten dunando plaka pa atraé personal di pafó di e isla. E yudansa finansiero aki ta dura te dia 1 di novèmber 2013. Esaki ta stipulá den e samenwerkingsovereenkomst (akuerdo di kooperashon) entre Hulanda i Sint Maarten, ku a keda firmá dia 4 di aprel 2011 pa tur dos pais.