Un atministrashon insular i gobièrnu di Reino Hulandes ta goberná Boneiru, Sint-Eustatius i Saba.
E islanan ta munisipio partikular (openbaar lichaam) di Hulanda. E diferensia prinsipal ku un munisipio na Hulanda ta, ku e islanan akí di Karibe no ta pertenesé na un provinsia.
Kolegio Ehekutivo (Bestuurscollege) ta enkargá ku e asuntunan di gobernashon diario di e islanan. Nan ta ehekutá e desishonnan di Konseho Insular (Eilandsraad). Kolegio Ehekutivo ta tuma desishon e mes tambe, manera duna pèrmit di konstrukshon òf sera un kontrakt ku un kontratista. Den esaki Kolegio Ehekutivo por konta ku sosten di su ámtenarnan. Sekretario general di e isla ta hefe di e organisashon ofisial akí di ámtenar.
Kolegio Ehekutivo ta goberná i Konseho Insular ta kontrolá. E ámtenarnan ta ehekutá e trabou i e desishonnan. Kolegio Ehekutivo ta representá e siudadano.
Mas informashon tokante gobernashon di e islanan por lesa riba wèpsait di Bonaire, Sint-Eustatius i Saba:
- Gobièrnu di Boneiru
- Gobièrnu di Sint-Eustatius
- Gobièrnu di Saba
Servisio di Reino den Karibe Hulandes ta realisá su tareanan na e 3 islanan.
Representante di Reino
E Representante di Reino pa e munisipionan den Karibe: Boneiru, Sint Eustatius i Saba ta e vínkulo entre gobièrnu di reino (na Den Haag) i e 3 munisipionan den Hulanda Karibense.
E Representante di Reino tin su ofisina na Boneiru. E ta pa e diverso ministernan na Hulanda nan ‘oido i nan wowo’ i e ta mantené e Minister di Asuntunan Interno i Relashonnan den Reino (BZK) informá.