Konsekuenshanan mas importante

Hulanda ta elaborá huntu ku Kòrsou, Sint Maarten, Boneiru, Sint Eustatius i Saba un gobernashon fuerte i konfiabel, ku lo por sirbi e propio komunidat lokal lo mihó posibel. Riba e fecha di 10 di òktober 2010 tur isla ta prepará pa nan status nobo, nan gobernashon i nan tareanan. Pa tur isla e kambionan aki tin konsekuensha.

Relashonnan estatal

  • Antia Hulandes a keda disolvé dia10 di òktober 2010.
  • Kòrsou i Sint Maarten ta paisnan nobo den Reino.
  • Boneiru, Sint Eustatius i Saba ta munisipionan partikular di Hulanda.
  • Reino Hulandes ta konsistí di: Hulanda, Aruba, Kòrsou i Sint Maarten.

Gobernashon i legislashon

  • Kòrsou i Sint Maarten ta responsabel pa nan propio gobernashon i legislashon di e pais.
  • Na Boneiru, Sint Eustatius i na Saba e legislashon Hulandes lo remplasá e legislashon Antiano paso pa paso.
  • Na Boneiru, Sint Eustatius i Saba, Departamentu Estatal Karibe Hulandes lo representá tur ministerio Hulandes.

Finansa públiko i ekonomia

  • Kresementu ekonómiko mediante tratamentu a korto plaso di problema- i invershonnan den problemanan struktural.
  • Hulanda ta saneá 70% di debe estatal Antiano di 1.7 miar Euro.

Kriminalidat i hurisprudensia

  • Boneiru, Sint Eustatius i Saba ta haña 1 kuerpo polisial, un kuerpo di bombero i un servisio di ambulans ku un sentro di informashon.
  • Ministerio Públiko komun i Korte di Hustisia pa Aruba, Kòrsou, Sint Maarten, Boneiru, Sint Eustatius i Saba.