Referèndem na Antia

Na fin di añanan ’90 tabata reina un situashon desesperante na Antia Hulandes pa motibu di e sirkunstanshanan malu i konstante. Tambe e pais tabata konfrontá un debe estatal masha grandi mes.

Hopi habitante di e islanan tabata biba bou di e nivel di pobresa, loke a hasi ku kriminalidat a krese enormemente. E gobièrnu aktual Antiano no por a logra ataká e problemanan di e islanan den forma struktural. Ademas Antia Hulandes no a logra pa aktua manera un solo estado òf nashon. E ròl dominante ku Kòrsou tabatin, hopi biaha tabata a kosto di e islanan mas chikitu.

Ku Reino

Na 2005 a tene un referèndem nashonal na Antia Hulandes. A resultá ku mayoria parti di e poblashon tabatin e deseo di keda pertenesé na Reino Hulandes. Den forma di un pais outónomo òf direktamente ku Hulanda. E referèndem aki a pone e base pa e relashonnan estatal nobo di Kòrsou, Sint Maarten, Boneiru, Sint Eustatius i Saba.