Ròl di Hulanda

Den e Reino Hulandes, Hulanda tin un tarea di kuido pa eks-kolonianan. Organisashon di Nashonnan Uní a stipulá e tarea aki.

Pa ku esei Hulanda ta responsabel pa bienestar di tur súpdito den e Reino. Un mihó bienestar ta surgi pa medio di un gobernashon fuerte, un ekonomia sano, mantenshon korekto di lei i bon enseñansa.

Hulanda, den e Reino, tambe ta responsabel pa hurisprudensia i pa kombatimentu di kriminalidat i droga. Por ehèmpel pa medio di un bon organisashon polisial i un Ministerio Públiko fuerte. No opstante ku Aruba, Kòrsou i Sint Maarten ta paisnan outónomo, e tareanan aki ta demasiado pisá pa e islanan so. No solamente den sufisiente kapasidat pa un personal bon prepará, sino tambe den material adekuá.

Puntonan di bista di relashonnan estatal

Ku e relashonnan estatal nobo Hulanda ke:

  • yuda Kòrsou i Sint Maarten ku nan deseo pa bira un pais outónomo den e Reino;
  • un bon gobernashon ku ta liber di korupshon;
  • drecha bienestar di e poblashon di e eks-islanan BES;
  • sanea un gran parti di e debe nashonal di e parti Karibense di Hulanda. Total esaki ta 1.7 miar Euro;
  • vigilá temporalmente e maneho di presupuesto i di finansa di Kòrsou i di Sint Maarten;
  • keda koperá ku e dirigentenan lokal pa kombatí kriminalidat i negoshi di droga entre Aruba, Kòrsou, Sint Maarten i e eks-islanan BES.