E representashon ta un asina yamá ‘puesto avansá’ di Hulanda ku tin 3 ofisina. E ofisina prinsipal ta na Willemstad, Curaçao (VNW), e di dos ta na Oranjestad, Aruba (VNO), i e di tres ta na Philipsburg, Sint Maarten (VNP). E puestonan avansá ta representá Hulanda serka gobièrnu di e paisnan akí.
Representante di Hulanda na Aruba, Curaçao i Sint Maarten ta hefe di e Representashon. Kada sede tin un hefe. E hefenan akí ta tambe representante athunto di Hulanda na Aruba, Curaçao òf Sint Maarten.
Tarea di e Representashon
E representashon ta:
- asesorá e minister hulandes di Asuntunan Interno i Relashonnan den Reino;
- informá i duna konseho riba e maneho hulandes stipulá pa Curaçao, St. Maarten i Aruba ;
- guia e bishitanan ofisial di minister-, sekretarionan di Estado i delegashonnan hulandes;
- realisá tareanan elektoral pa elekshon di Tweede Kamer, elekshonnan europeo i referèndùm;
- referí hulandesnan kende no sa na kua instansia lokal nan mester akudí;
- ofresé yudansa na hulandesnan ku ta den problema;
- brinda atenshon na detenidonan hulandes detené na Aruba, Curaçao i Sint Maarten;
- duna informashon, por ehèmpel tokante reibeweis i pasport;
- emití kódigo pa aktivá DigiD;
- ekspedí ‘attestatie de vita’. Esaki ta un prueba por eskrito ku un persona ta na bida. Algun instansia manera kompanianan di seguro hulandes ta pidi un ‘attestatie de vita’. Por ehèmpel promé ku nan paga plaka di penshun, renta italisio i benifisionan similar.
Asistensia den situashon di emergensia
Representashon ta yuda hulandesnan na Curaçao, Sint Maarten òf Aruba. Por ehèmpel si nan a haña nan den difikultat pa motibu di un krímen òf un aksidente. Representashon no ta fia plaka, sino e ta pone e persona den kontakto ku miembronan di su famia, konosí- òf instansianan.
Representashon ta duna asistensia na:
- Hulandesnan ku no ta biba permanentemente na Curaçao, Sint Maarten òf Aruba;
- Doño di un pasport bálido pa refugiadonan;
- Doño di un pasport bálido pa strañeronan.
Den algun kaso e hendenan ta risibí yudansa, tanten ku nan ta wardando nan ekspulshon. Ta trata di personanan ku ta biba sin pèrmit di residensia bálido na Curaçao, Sint Maarten òf Aruba.
Registrá komo votadó
Bo ta hulandes i bo ta biba na Curaçao, Sint Maarten òf Aruba? E ora ei bo por partisipá na elekshon pa Tweede Kamer, elekshon pa Parlamento Europeo i na un referèndùm konsultivo.
Lo bo ke vota? E ora ei di antemano bo mester registrá komo votadó. E formulario di registrashon bo ta haña na www.stemmenvanuithetbuitenland.nl.
Si ta via karta bo ta vota? E ora ei bo ta risibí un karta di votashon, papel di vota i ènvelòp korespondiente.
Lo bo mester registrá promé.
Solisitá DigiD na Aruba, Curaçao òf Sint Maarten
Komo hulandes na Aruba, Curaçao, òf Sint Maarten bo por solisitá un DigiD online. Bo kódigo di aktivashon bo por pasa buska na e bali di DigiD na Representashon di Hulanda (de Nederlandse Vertegenwoordiging).
Kontakto ku ‘Vertegenwoordiging van Nederland’
Representashon di Hulanda tin su sede na Aruba, Curaçao i Sint Maarten:
Vertegenwoordiging van Nederland na Aruba
L.G. Smith Boulevard 44, Oranjestad, Aruba
Tel.: 00297 525 28 66 òf +31 70 426 89 03
Fax: 00297 525 28 50
E-mail: vnoinfo@minbzk.nl
Vertegenwoordiging van Nederland na Willemstad, Curaçao (VNW)
Scharlooweg 55, Willemstad, Curaçao
Postbus 441
Tel: 00599 94 34 32 00
Fax: 00599 94 61 47 05
E-mail: vnwinfo@minbzk.nl
Vertegenwoordiging van Nederland na Philipsburg, Sint Maarten (VNP)
Frontstreet 26, Philipsburg, Sint Maarten
Postbus 502
Tel: 001 721 543 01 40/41
Fax: 001 721 543 01 42
E-mail: vnpinfo@minbzk.nl