E Representashon aki ta un puesto avansá di Hulanda. Tin 1 Representashon ku establesementu den e 3 paisnan Aruba, Kòrsou i Sint Maarten.

E instansianan ta representá Hulanda den e gobièrnunan di Aruba, Kòrsou i Sint Maarten. Banda di esaki Hulandesnan por akudí den e paisnan aki pa pregunta tokante nan rèibewèis, derecho di voto òf pa asistensia konsular den kasonan di emergensia.

E Representashon aki ta:

  • konsehá e ministro Hulandes di BZK tokante e maneho pa Kòrsou, Sint Maarten i Aruba;
  • duna informashon tokante e maneho ku Hulanda ta kondusí. Pa e rason aki Representashon tin kontakto ku e gabinetenan di e tres paisnan, ku e servisionan gubernamental i otro instansianan di komunidat;
  • reportá na ministro kon a ehekutá e maneho i kon ta eksperensi’é;
  • guia bishitanan ofisial di ministronan Hulandes, sekretarionan di estado i delegashonnan;
  • brinda yudansa na Hulandesnan kendenan a konfrontá problema riba e islanan.

Banda di esaki Representashon ta enkargá ku:

  • ehekushon di e tareanan di e lei elektoral (elekshon di Tweede Kamer, elekshonnan Europeo i referèndem);
  • dunamentu di informashon tokante rèibewèis Hulandes, hañamentu di sertifikashon di bida i hañamentu di formularionan di petishon pa kompensashon di un biaha so na veteranonan di guera;
  • duna asistensia konsular na portadornan di un pasport Hulandes, kendenan ta inskribí na Hulanda i ku a keda definí na Aruba, Kòrsou i Sint Maarten (kuido pa detenidonan).

No pa dokumentonan di biahe, visa, pèrmitnan di estadia i pèrmitnan di trabou

Representashon no ta outorisá pa otorgá dokumentonan di biahe i visa òf pa ehersé akshonnan konsular, manera ku esaki ta aparesé den e Lei riba Derechonan di Kansieria. Gabinete di Gobernador na Aruba, Kòrsou i Sint Maarten ta hasi esaki. Representashon di Hulanda tampoko no ta intermediá ora ta solisitá pèrmit pa estadia i pa trabou. Pa esaki e persona mester akudí na e instansia konserní.