Asistensia den situashonnan di emergensia

Representashon ta brinda asistensia na Hulandesnan ku a haña nan mes den difikultat na Kòrsou, Sint Maarten òf Aruba. Por ehèmpel pa motibu di un delito òf desgrasia. Representashon no ta duna plaka òf fiansa, pero ta yuda e víktimanan tumando kontakto ku miembronan di famia, konosínan òf ku e instansianan nesesario. Asistensia konsular no ta un derecho. Ta evaluá kada situashon den forma independiente.

Ta brinda asistensia na:

  • Hulandesnan kendenan no a establesé permanentemente na Kòrsou, Sint Maarten òf Aruba (Hulandesnan Europeo);
  • portadornan di un pasport Hulandes válido pa refugiadonan;
  • portadornan di un pasport Hulandes válido pa stranhero.

Den algun kaso ta brinda asistensia tambe na hendenan kendenan ta sperando riba nan deportashon, pa motibu ku nan ta permanesiendo na Kòrsou, Sint Maarten òf Aruba sin un pèrmit di estadia válido.