Kompensashon di un biaha so na veteranonan di guera

Personanan kendenan tabata den servisio militar obligatorio i tambe voluntarionan di guera por bini na konsiderashon pa un kompensashon di un biaha so di 500 Euro.

Pa e veterano di guera ta konta:

  • ku e tabata den servisio berdadero entre 2 i 5 aña durante e periodo di 1 di yanüari 1938 te 1 di yanüari 1963;
  • ku el a pasa un parti di su tempu di servisio durante e di dos Guera Mundial i/òf ku e tabata na e antiguo Nederlands-Indië, Nieuw-Guinea òf Korea.

Tambe viuda- i viudonan di e veteranonan konserní por bini na remarke pa e kompensashon aki. Esaki ta stipulá den Lei di kompensashon pa tempu di servisio di dos te sinku aña. Na Representashon por haña informashon pa solisitá pa un kompensashon pa un biaha so.