Solisitá rèibewèis Hulandes

Entrante 1 di òktober 2006 a introdusí un rèibewèis Hulandes nobo. E rèibewèis aki ta remplasá e dokumento di rèibewèis anterior ku tabata di papel. Esun aki ta mihó protehé.

E rèibewèis nobo tin e format di un tarheta bankario. Si un persona ta Hulandes i e ta biba den eksterior, anto e por solisitá un rèibewèis nobo na RDW. Pa esaki por download un formulario riba e website di RDW. Por optené e formulario aki na Representashon tambe.

Si e persona no tin akseso na internèt, e por akudí na Representashon di Hulanda na Aruba, Kòrsou i Sint Maarten. Aki nan ta yuda ku yenamentu di e solisitut pa un formulario di petishon.