Yudansa na detenidonan Europeo-Hulandes

Personanan kendenan keda detené na Aruba, Kòrsou òf Sint Maarten, un biaha pa luna ta haña bishita, den e prison Arubano, di e persona di kontakto pa detenidonan di Representashon di Hulanda. Kondishon ta ku e detenido ta poseé un nashonalidat Hulandes i ku e ta inskribí na Hulanda.

Durante e promé bishita di e persona di kontakto, e detenido ta haña pa un biaha so un pakete ku e artíkulonan di kuido mas nesesario. Den kaso ku ta deseá, e persona di kontakto ta mantené kontakto ku famia di e detenido. Tantu Representashon komo tambe e persona di kontakto, no ta sigui atendé e proseso aki mas.