Aruba, Curaçao i Sint Maarten ta responsabel pa por ehèmpel bon gobernashon, enseñansa i e sistema hurídiko. Hulanda ta atendé ku polítika eksterior pa Reino. Esaki ta ankrá den e Statüt di Reino Hulandes.
Kompetensia i Outoridat di Reino Hulandes
Reino Hulandes ta responsabel, entre otro, pa relashonnan eksterior, defensa i nashonalidat hulandes. E akuerdonan al respekto ta konta pa henter Reino. Hulanda, Aruba, Curaçao i Sint Maarten mester pèrkurá pa kumpli ku òf ehekutá e akuerdonan akí. Riba e otro terenonan, e paisnan mes por fiha e polítika ku nan ke hiba. Aki nos ta pensa riba kuido di salú, turismo i empleo.
Polítika eksterior
E ministerionan hulandes di Asuntunan Eksterior i Defensa t’ei pa tur e paisnan denter di Reino. Esaki ta konta tambe pa e embahadanan hulandes i e konsuladonan den eksterior. Hulanda ta fiha e polítika eksterior pa Reino. Den esaki e ta tene kuenta ku e interesnan di e parti hulandes i e parti karibense di Reino.