Elementonan for di e sistema Hulandes-Antiano

E sistema finansiero nobo ta haña forma pa medio di 3 proyekto di lei: e Lei di impuesto BES; e Lei di Duana i Accijns (derecho di konsumo) BES; i e Lei di introdukshon di e sistema fiskal BES. Pa e interpretashon final a uza elementonan for di e sistema fiskal Hulandes-Antiano komo piedra elemental.

Prevení impuesto dòbel

Un sistema fiskal separá pa e islanan BES ta nifiká un rísiko di impuesto dòbel òf di eksonerashon dòbel. Pa por eliminá e rísiko aki lo mas posibel, a perkurá pa dos areglo. Un areglo ku ta perkurá pa evitá un impuesto dòbel entre e parti di Hulanda ku ta keda na Europa i e islanan BES i un areglo unilateral ku ta perkurá pa prevení un impuesto dòbel entre e islanan BES i terser paisnan. 

Ingreso di impuesto

Den e situashon nobo aki ta kalkulá e ingreso total di tur impuesto riba 52 mion dòler merikano pa aña. Esaki ta igual na e ingreso aktual di e islanan BES. Na Boneiru, Sint Eustatius i Saba ta biba mas o ménos 20.000 persona. Mas o ménos mitar di e total aki ta kontribuyendo (di impuesto).

Eerste Kamer lo trata e proyekto di lei pa e sistema nobo di impuesto mas lat den e aña aki. Tweede Kamer (Parlamento) a bai di akuerdo kaba ku e plannan.